Өмірбаян

Теменова Гүлзада Қанатқызы 11.01.1973 жылы Алматы облысында туған. Ұлты қазақ. Білімі жоғары. 1990 жылы Алматы қаласындағы №115 орта мектепті үздік бітірді. 1992–1993 жылдары Түркия республикасы Ыстамбұл қаласындағы ТӨМЕР тіл үйрену орталығында түрік тілін меңгерді. 1993–1998 жылдары Түркия республикасы Измир қаласы Эге университеті әдебиет факультетінің түрік тілі және әдебиеті бөлімінде оқыды. Осы бөлімді «Түрік тілі және әдебиеті пәнінің оқытушысы және түркітанушы» мамандығы бойынша 1998 жылы бітірді. Мамандығы түркітанушы. 2002–2005 жылдары Түркия республикасы Измир қаласы Эге университетінің әлеуметтік ғылымдар институтында «Қазіргі түрік әдебиеті» мамандығы бойынша магистратурада білім алды. «Алғашқы түрік–қазақ хикая мен романдары жайында зерттеу» атты тақырыптағы магистрлік диссертациясын 2005 жылы «өте жақсы» деген бағаға қорғап «гуманистарлық білімдер магистрі» дәрежесін алды. Түрік тілін өте жетік меңгерген. 01.09.2009 – осы уақыт аралығында әл– Фараби атындағы Қазақ Ұлттық Университеті, шығыстану факультетінде Түріктану және Шығыс елдерінің тарихы кафедрасында аға оқытушы міндетін атқаруда. Г.Қ.Теменова 30-дан аса ғылыми мақаланың, Scopus-та “Kazak ve Türkiye Türkçesindeki Anlamca Kaynaşmış ve Deyimleşmiş Fiillerin Anlamsal Yapısı”, “Semantics of the Traditions in the Kazakh Folk Culture Associated with a Baby Under the Age of One” атты мақалалардың, «Практикалық түрік тілі», «Практикалық түрік тілі (Хрестоматия)», «Базалық шығыс тілі (Түрік тілі А1, А2 деңгейі)» атты оқу құралдарының, “Турецко– русский, русско–турецкий словарь лингвистических терминов” және “Қазақша–түрікше, түрікше– қазақша лингвистикалық терминдер сөздігінің” авторы. Сонымен қатар, С. Елубайдың Ақ боз үй «Arasat Meydanı» атты тарихи романын, Р.Сұлтанғалиеваның «Сәбит Мұқанов романдарында диалог қолданысы» атты мoнографиясын, Рахымжан Отарбаевтың «Бас» романы мен «Мұстафа Шоқай» пьесcасын, Ахметжан Ашировтың «Идикут» пьесcасын және көптеген деректі фильмдер мен ғылыми мақалаларды қазақ тілінен түрік тіліне аударып, екі ел (Қазақстан-Түркия) арасындағы әдеби байланыстардың нығаюына өз үлесін қосуда.